What is Langar Pratha in Punjabi? – ਲੰਗਰ ਪ੍ਰਥਾ ਪੰਜਾਬੀ ਵਿੱਚ
ਜਾਣ–ਪਛਾਣ– Introduction – Langar Pratha in Punjabi Language
Langar Pratha in Punjabi – ਸਿੱਖ ਧਰਮ ਦੀ ਸਥਾਪਨਾ 15ਵੀਂ ਸਦੀ ਵਿੱਚ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੁਆਰਾ ਕੀਤੀ ਗਈ ਸੀ। ਇਹ ਇੱਕ ਅਜਿਹਾ ਧਰਮ ਹੈ ਜੋ ਸਮਾਨਤਾ, ਭਾਈਚਾਰੇ ਅਤੇ ਨਿਰਸਵਾਰਥ ਸੇਵਾ ਨੂੰ ਬਹੁਤ ਮਹੱਤਵ ਦਿੰਦਾ ਹੈ। ਲੰਗਰ ਪ੍ਰਥਾ ਸਿੱਖ ਧਰਮ ਦੀਆਂ ਸਭ ਤੋਂ ਪਿਆਰੀਆਂ ਪਰੰਪਰਾਵਾਂ ਵਿੱਚੋਂ ਇੱਕ ਹੈ ਜਿਸਨੂੰ “ਗੁਰੂ ਕਾ ਲੰਗਰ” ਵੀ ਕਿਹਾ ਜਾਂਦਾ ਹੈ। ਇਹ ਇੱਕ ਸਾਂਝੀ ਰਸੋਈ ਹੈ ਜਿੱਥੇ ਗੁਰਦੁਆਰੇ ਵਿੱਚ ਆਉਣ ਵਾਲੇ ਸਾਰੇ ਸ਼ਰਧਾਲੂਆਂ ਨੂੰ ਮੁਫਤ ਭੋਜਨ ਛਕਾਇਆ ਜਾਂਦਾ ਹੈ, ਚਾਹੇ ਉਹਨਾਂ ਦਾ ਸਮਾਜਿਕ ਜਾਂ ਆਰਥਿਕ ਪਿਛੋਕੜ ਕੋਈ ਵੀ ਹੋਵੇ।
ਇਸ ਲੇਖ ਵਿਚ ਗੁਰੂ ਕੇ ਲੰਗਰ ਦੀ ਪ੍ਰਥਾ ਅਤੇ ਸਿੱਖ ਧਰਮ ਵਿਚ ਇਸ ਦੀ ਡੂੰਘੀ ਮਹੱਤਤਾ ਬਾਰੇ ਦੱਸਿਆ ਗਿਆ ਹੈ।
ਸਿੱਖ ਧਰਮ ਵਿੱਚ ਲੰਗਰ ਪ੍ਰਥਾ ਕੀ ਹੈ? ਲੰਗਰ ਸ਼ਬਦ ਕਿੱਥੋਂ ਆਇਆ ਹੈ?- What is Langar pratha in Sikhism? Where does the word langar come from?
‘ਲੰਗਰ’ ਇੱਕ ਫ਼ਾਰਸੀ ਸ਼ਬਦ ਹੈ ਜਿਸਦਾ ਮੂਲ ਅਰਥ ਹੈ ‘ਦਾਨ ਘਰ’ ਜਾਂ ‘ਗਰੀਬਾਂ ਅਤੇ ਲੋੜਵੰਦਾਂ ਲਈ ਜਗ੍ਹਾ’। ਸਿੱਖ ਪਰੰਪਰਾ ਵਿੱਚ ਇਹ ਇੱਕ ਸਾਂਝੀ ਰਸੋਈ ਹੈ ਜਿੱਥੇ ਗੁਰੂ ਘਰ ਵਿੱਚ ਆਉਣ ਵਾਲੇ ਸਾਰੇ ਸ਼ਰਧਾਲੂ ਜਾਂ ਲੋੜਵੰਦਾਂ ਨੂੰ ਬਿਨਾਂ ਕਿਸੇ ਵਰਗ, ਜਾਤ, ਧਰਮ ਜਾਂ ਲਿੰਗ ਦੇ ਭੇਦਭਾਵ ਤੋਂ ਇੱਕ ਕਤਾਰ ਵਿੱਚ ਬਿਠਾਇਆ ਅਤੇ ਭੋਜਨ ਛਕਾਇਆ ਜਾਂਦਾ ਹੈ। ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ‘ਵੰਡ ਛਕੋ’ ਦੇ ਉਪਦੇਸ਼ ਦੇ ਨਾਲ-ਨਾਲ ਲੰਗਰ ਬਰਾਬਰੀ, ਪਿਆਰ ਅਤੇ ਭਾਈਚਾਰੇ ਦਾ ਵੀ ਉਪਦੇਸ਼ ਦਿੰਦਾ ਹੈ।
ਗੁਰਦੁਆਰੇ ਵਿੱਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਦਰਸ਼ਨ ਕਰਨ ਤੋਂ ਬਾਅਦ, ਸੰਗਤਾਂ ਲੰਗਰ ਹਾਲ ਵਿੱਚ ਇਕੱਠੀਆਂ ਹੁੰਦੀਆਂ ਹਨ ਜਿੱਥੇ ਉਹ ਸਾਰੇ ਪੰਗਤ (ਕਤਾਰਾਂ) ਵਿੱਚ ਫਰਸ਼ ‘ਤੇ ਇਕੱਠੇ ਬੈਠਦੇ ਹਨ ਅਤੇ ਲੰਗਰ ਛਕਦੇ ਹਨ। ਸੇਵਾਦਾਰ ਬਹੁਤ ਪਿਆਰ ਅਤੇ ਪ੍ਰਭ ਸਿਮਰਨ ਕਰਦੇ ਹੋਏ ਸਾਦਾ ਸ਼ਾਕਾਹਾਰੀ ਭੋਜਨ ਤਿਆਰ ਕਰਦੇ ਹਨ ਜਿਸਨੂੰ ਸਾਰੀ ਸੰਗਤ ਵਿੱਚ ਵਰਤਾਇਆ ਜਾਂਦਾ ਹੈ। ਭਾਵੇਂ ਇਹ ਬਹੁਤ ਹੀ ਸਾਦਾ ਭੋਜਨ ਹੁੰਦਾ ਹੈ, ਫਿਰ ਵੀ ਇਸ ਗੁਰੂ ਕੇ ਲੰਗਰ ਦਾ ਸਵਾਦ ਇਸ ਸੰਸਾਰ ਦੇ ਕਿਸੇ ਵੀ ਪਕਵਾਨ ਨਾਲੋਂ ਬੇਮਿਸਾਲ ਹੁੰਦਾ ਹੈ। ਗੁਰੂ ਕੇ ਲੰਗਰ ਵਿੱਚ ਆਮ ਤੌਰ ‘ਤੇ ਦਾਲ, ਕੋਈ ਵੀ ਮੌਸਮੀ ਸਬਜ਼ੀ, ਚਪਾਤੀ ਅਤੇ ਖੀਰ ਵਰਤਾਈ ਜਾਂਦੀ ਹੈ।
ਸਿੱਖ ਧਰਮ ਵਿੱਚ ਲੰਗਰ ਪ੍ਰਥਾ ਦੀ ਸ਼ੁਰੂਆਤ ਕਿਸ ਗੁਰੂ ਸਾਹਿਬ ਨੇ ਕੀਤੀ?- Which guru started the langar pratha in Sikhism?
ਸਿੱਖ ਧਰਮ ਦੇ ਪਹਿਲੇ ਗੁਰੂ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਲਗਭਗ 500 ਸਾਲ ਪਹਿਲਾਂ ਲੰਗਰ ਪ੍ਰਥਾ ਦੀ ਸ਼ੁਰੂਆਤ ਕੀਤੀ ਸੀ। ਕਿਹਾ ਜਾਂਦਾ ਹੈ ਕਿ ਇੱਕ ਵਾਰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਨੂੰ ਉਨ੍ਹਾਂ ਦੇ ਪਿਤਾ ਜੀ ਨੇ 20 ਰੁਪਏ ਦਿੱਤੇ ਅਤੇ ਕੁਝ ਵਪਾਰਕ ਸਮਾਨ ਖਰੀਦਣ ਅਤੇ ਇੱਕ ਲਾਭਦਾਇਕ ਸੌਦਾ ਕਰਕੇ ਵਾਪਸ ਆਉਣ ਲਈ ਕਿਹਾ। ਇੱਕ ਲਾਭਦਾਇਕ ਸੌਦੇ ਦੀ ਭਾਲ ਕਰਦੇ ਹੋਏ ਰਸਤੇ ਵਿੱਚ ਗੁਰੂ ਨਾਨਕ ਦੇਵ ਜੀ ਨੂੰ ਬਹੁਤ ਸਾਰੇ ਸਾਧੂ ਮਿਲੇ ਜਿਨ੍ਹਾਂ ਨੇ ਕਈ ਦਿਨਾਂ ਤੋਂ ਭੋਜਨ ਨਹੀਂ ਕੀਤਾ ਸੀ। ਗੁਰੂ ਜੀ ਨੇ ਸਾਰਾ ਪੈਸਾ ਖਰਚ ਕਰਕੇ ਉਨ੍ਹਾਂ ਸਾਧੂਆਂ ਨੂੰ ਭੋਜਨ ਛਕਾਇਆ ਅਤੇ ਖਾਲੀ ਹੱਥ ਆਪਣੇ ਘਰ ਪਰਤ ਆਏ।
ਗੁਰੂ ਜੀ ਨੂੰ ਮੁੜ ਆਇਆ ਦੇਖ ਆਪ ਜੀ ਦੇ ਪਿਤਾ ਜੀ ਨੇ ਪੁੱਛਿਆ ਕਿ ਉਸ ਪੈਸੇ ਨਾਲ ਕੀ ਲਾਭਦਾਇਕ ਸੌਦਾ ਕੀਤਾ ਹੈ। ਗੁਰੂ ਜੀ ਨੇ ਜਵਾਬ ਦਿੱਤਾ ਕਿ ਉਨ੍ਹਾਂ ਪੈਸੇਆਂ ਨਾਲ ਭੁੱਖਿਆਂ ਨੂੰ ਭੋਜਨ ਖ਼ਿਲਾ ਦਿੱਤਾ ਹੈਂ ਕਿਉਂਕਿ ਉਨ੍ਹਾਂ ਨੂੰ ਇਸ ਤੋਂ ਵੱਧ ਲਾਭਦਾਇਕ ਸੌਦਾ ਕੋਈ ਨਹੀਂ ਲਗਿਆ ਅਤੇ ਇਹ ਹੀ “ਸੱਚਾ ਸੌਦਾ” ਹੈ।
ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਸੰਦੇਸ਼ ਨੂੰ ਅੱਗੇ ਵਧਾਉਂਦੇ ਹੋਏ ਤੀਜੇ ਗੁਰੂ ਸ਼੍ਰੀ ਗੁਰੂ ਅਮਰਦਾਸ ਜੀ ਅਤੇ ਹੋਰ ਸਾਰੇ ਸਿੱਖ ਗੁਰੂਆਂ ਨੇ ਲੰਗਰ ਸੇਵਾ ਦੀ ਪਾਲਣਾ ਕੀਤੀ । ਇਸ ਤਰ੍ਹਾਂ ਲੰਗਰ ਸੇਵਾ 500 ਸਾਲਾਂ ਤੋਂ ਵੀ ਵੱਧ ਸਮੇਂ ਤੋਂ ਚੱਲ ਰਹੀ ਹੈ ਅਤੇ ਉਦੋਂ ਤੱਕ ਜਾਰੀ ਰਹੇਗੀ ਜਦੋਂ ਤੱਕ ਇਸ ਧਰਤੀ ‘ਤੇ ਸਿੱਖ ਧਰਮ ਹੈ। ਇਹ ਪਰੰਪਰਾ ਪੂਰੀ ਦੁਨੀਆ ਵਿੱਚ ਜਾਰੀ ਹੈ ਅਤੇ ਹਰ ਰੋਜ਼ ਲੱਖਾਂ ਸ਼ਰਧਾਲੂਆਂ ਨੂੰ ਗੁਰਦੁਆਰਿਆਂ ਵਿੱਚ ਬਹੁਤ ਹੀ ਨਿਮਰਤਾ ਨਾਲ ਮੁਫਤ ਭੋਜਨ ਛਕਾਇਆ ਜਾਂਦਾ ਹੈ ਅਤੇ ਪ੍ਰਮਾਤਮਾ ਦੀ ਕਿਰਪਾ ਨਾਲ ਲੰਗਰ ਹਮੇਸ਼ਾਂ ਭਰਪੂਰ ਹੁੰਦਾ ਹੈ।
ਲੰਗਰ ਪ੍ਰਥਾ ਦਾ ਕੀ ਮਹੱਤਵ ਹੈ? – What is the importance of langar pratha in Punjabi?
-
ਸਮਾਨਤਾ ਅਤੇ ਮਾਨਵਤਾਵਾਦ- Equality and Humanism
ਲੰਗਰ ਦਾ ਮੂਲ ਸਿਧਾਂਤ ਬਰਾਬਰਤਾ ਅਤੇ ਮਨੁੱਖਤਾ ਹੈ, ਇਸ ਲਈ ਹਰ ਵਰਗ ਦੇ ਲੋਕ, ਕਿਸੇ ਵੀ ਜਾਤ, ਧਰਮ, ਲਿੰਗ ਜਾਂ ਸਮਾਜਿਕ ਰੁਤਬੇ ਦੀ ਪਰਵਾਹ ਕੀਤੇ ਬਿਨਾਂ, ਪੰਗਤਾਂ ਵਿੱਚ ਨਾਲ-ਨਾਲ ਬੈਠ ਕੇ ਲੰਗਰ ਛਕਦੇ ਹਨ । ਇਸ ਤਰਾਂ ਸੰਗਤ ਨੂੰ ਸਾਂਝੀ ਮਨੁੱਖਤਾ ਅਤੇ ਸਾਰਿਆਂ ਨਾਲ ਸਤਿਕਾਰ ਅਤੇ ਆਦਰ ਨਾਲ ਪੇਸ਼ ਆਉਣ ਦੀ ਯਾਦ ਦਿਵਾਈ ਜਾਂਦੀ ਹੈ।
-
ਸਮਾਜਿਕ ਰੁਕਾਵਟਾਂ ਨੂੰ ਤੋੜਨਾ- Breaking Social Barriers
ਲੰਗਰ ਪ੍ਰਥਾ ਸਮਾਜਿਕ ਰੁਕਾਵਟਾਂ ਨੂੰ ਤੋੜਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀ ਹੈ ਜੋ ਅਕਸਰ ਸਮਾਜਾਂ ਨੂੰ ਵੰਡਦੀਆਂ ਹਨ। ਹਰ ਕੋਈ ਆਪਣੀ ਸਮਾਜਿਕ ਜਾਂ ਆਰਥਿਕ ਸਥਿਤੀ ਦੀ ਪਰਵਾਹ ਕੀਤੇ ਬਿਨਾਂ ਲੰਗਰ ਹਾਲ ਵਿੱਚ ਫਰਸ਼ ‘ਤੇ ਬੈਠਦਾ ਹੈ। ਇਹ ਨਿਮਰ ਮਾਹੌਲ ਏਕਤਾ ਅਤੇ ਭਾਈਚਾਰੇ ਦੀ ਭਾਵਨਾ ਪੈਦਾ ਕਰਦਾ ਹੈ।
-
ਨਿਰਸਵਾਰਥ ਸੇਵਾ- Selfless Service
ਲੰਗਰ ਤਿਆਰ ਕਰਨਾ ਅਤੇ ਵੰਡਣਾ ਇੱਕ ਪੂਰੀ ਤਰ੍ਹਾਂ ਸਵੈਇੱਛਤ ਅਤੇ ਨਿਰਸਵਾਰਥ ਕਾਰਜ ਹੈ ਜਿਸ ਨੂੰ ਸੇਵਾ ਕਿਹਾ ਜਾਂਦਾ ਹੈ। ਲੰਗਰ ਵਿਚ ਸੇਵਾ ਕਰਨ ਨਾਲ ਹਰ ਵਿਅਕਤੀ ਵਿਚ ਨਿਮਰਤਾ ਦੀ ਭਾਵਨਾ ਪੈਦਾ ਹੁੰਦੀ ਹੈ ਅਤੇ ਦੂਜਿਆਂ ਦੀ ਭਲਾਈ ਨੂੰ ਆਪਣੇ ਅੱਗੇ ਰੱਖਣਾ ਸਿੱਖਦਾ ਹੈ। ਇਹ ਨਿਰਸਵਾਰਥਤਾ ਲੋਕਾਂ ਨੂੰ ਜੀਵਨ ਦੇ ਵੱਖ-ਵੱਖ ਪਹਿਲੂਆਂ ਵਿੱਚ ਸੇਵਾ ਦੇ ਕੰਮਾਂ ਵਿੱਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕਰਦੀ ਹੈ।
-
ਭਾਈਚਾਰਕ ਏਕਤਾ- Community Cohesion
ਗੁਰੂ ਕਾ ਲੰਗਰ “ਮੈਂ” ਦੀ ਭਾਵਨਾ ਨੂੰ ਭੁਲਾ ਕੇ ਏਕਤਾ ਅਤੇ ਭਾਈਚਾਰੇ ਦੀ ਭਾਵਨਾ ਪੈਦਾ ਕਰਦਾ ਹੈ। ਸੇਵਾਦਾਰ ਮਿਲਕੇ ਭੋਜਨ ਤਿਆਰ ਕਰਦੇ ਹਨ, ਸੰਗਤਾਂ ਵਿੱਚ ਵਰਤਾਉਂਦੇ ਹਨ, ਭਾਂਡੇ ਧੋਂਦੇ ਹਨ ਅਤੇ ਸਾਫ਼-ਸਫ਼ਾਈ ਦਾ ਕੰਮ ਮਿਲ ਕੇ ਕਰਦੇ ਹਨ। ਲੰਗਰ ਸਾਰਿਆਂ ਨੂੰ ਮਿਲ ਕੇ ਸਹਿਯੋਗ ਕਰਨ ਅਤੇ ਦੂਜਿਆਂ ਦੀ ਭਲਾਈ ਲਈ ਯੋਗਦਾਨ ਪਾਉਣ ਲਈ ਪ੍ਰੇਰਿਤ ਕਰਦਾ ਹੈ ਜੋ ਸਮਾਜਿਕ ਸਬੰਧਾਂ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦਾ ਹੈ।
-
ਹਮਦਰਦੀ ਨੂੰ ਉਤਸ਼ਾਹਿਤ ਕਰਨਾ- Promoting Empathy and Compassion
ਗੁਰੂ ਦੇ ਲੰਗਰ ਦੀ ਸੇਵਾ ਗੁਰੂ ਦੀ ਸੇਵਾ ਕਰਨ ਦੇ ਬਰਾਬਰ ਹੈ। ਇਹ ਸੇਵਾਦਾਰਾਂ ਵਿੱਚ ਲੋੜਵੰਦਾਂ ਲਈ ਹਮਦਰਦੀ ਜਗਾਉਂਦਾ ਹੈ। ਨਾਲ ਹੀ, ਭੁੱਖੇ ਅਤੇ ਲੋੜਵੰਦਾਂ ਨੂੰ ਭੋਜਨ ਪਰੋਸਣਾ ਉਨ੍ਹਾਂ ਦੀਆਂ ਅਸੀਸਾਂ ਲਈ ਸ਼ੁਕਰਗੁਜ਼ਾਰੀ ਦੀ ਭਾਵਨਾ ਅਤੇ ਦਰਪੇਸ਼ ਚੁਣੌਤੀਆਂ ਬਾਰੇ ਜਾਗਰੂਕਤਾ ਪੈਦਾ ਕਰਦਾ ਹੈ।
ਲੰਗਰ ਪ੍ਰਥਾ ਬਾਰੇ ਮੁੱਖ ਤੱਥ – Main Facts About Langar Pratha In Punjabi
ਲੰਗਰ ਪ੍ਰਥਾ ਹਰ ਗੁਰਦੁਆਰੇ ਦਾ ਇੱਕ ਜ਼ਰੂਰੀ ਅੰਗ ਅਤੇ ਉਹ ਸਾਂਝੀ ਰਸੋਈ ਹੈ ਜੋ ਸਾਰੇ ਸ਼ਰਧਾਲੂਆਂ ਨੂੰ ਪਿਛੋਕੜ, ਧਰਮ, ਜਾਤ ਜਾਂ ਲਿੰਗ ਦੀ ਪਰਵਾਹ ਕੀਤੇ ਬਿਨਾਂ ਮੁਫਤ ਭੋਜਨ ਪ੍ਰਦਾਨ ਕਰਦੀ ਹੈ। ਲੰਗਰ ਪ੍ਰਥਾ ਬਾਰੇ ਕੁਝ ਮੁੱਖ ਤੱਥ ਇਹ ਹਨ:
-
ਸਾਰਿਆਂ ਲਈ ਖੁੱਲ੍ਹਾ- Open to All
ਗੁਰੂ ਕਾ ਘਰ ਅਤੇ ਲੰਗਰ ਸਾਰੇ ਧਰਮਾਂ, ਜਾਤਾਂ, ਲਿੰਗਾਂ ਅਤੇ ਪਿਛੋਕੜਾਂ ਦੇ ਲੋਕਾਂ ਲਈ ਖੁੱਲ੍ਹਾ ਹੈ। ਇਹ ਸਮਾਨਤਾ ਦੇ ਸਿਧਾਂਤ ਨੂੰ ਅਪਣਾਉਂਦਾ ਹੈ ਅਤੇ ਇੱਕ ਅਜਿਹਾ ਸਥਾਨ ਪ੍ਰਦਾਨ ਕਰਦਾ ਹੈ ਜਿੱਥੇ ਹਰ ਕਿਸੇ ਨਾਲ ਮਾਣ ਅਤੇ ਸਤਿਕਾਰ ਕੀਤਾ ਜਾਂਦਾ ਹੈ।
-
ਸੇਵਾਦਾਰਾਂ ਦੁਆਰਾ ਪਕਾਇਆ ਲੰਗਰ – Langar cooked by Volunteers
ਇੱਥੇ ਲੰਗਰ ਦੀ ਸੇਵਾ ਸੇਵਾਦਾਰਾਂ (ਵਲੰਟੀਅਰਾਂ) ਦੁਆਰਾ ਕੀਤੀ ਜਾਂਦੀ ਹੈ। ਸੇਵਾਦਾਰ ਨਿਰਸਵਾਰਥ ਹੋ ਕੇ ਅਤੇ ਬਿਨਾਂ ਕਿਸੇ ਭੇਦਭਾਵ ਜਾਂ ਪੱਖਪਾਤ ਦੇ ਸਭ ਨੂੰ ਗੁਰੂ ਦਾ ਲੰਗਰ ਵਰਤਾਉਂਦੇ ਹਨ।
-
ਸ਼ਾਕਾਹਾਰੀ ਭੋਜਨ – Vegetarian Meals
ਗੁਰੂ ਦਾ ਲੰਗਰ ਸਦਾ ਸ਼ਾਕਾਹਾਰੀ ਹੁੰਦਾ ਹੈ। ਹਾਲਾਂਕਿ ਲੰਗਰ ਰਵਾਇਤੀ ਤੌਰ ਤੇ ਸਾਦੇ ਤਰੀਕੇ ਨਾਲ ਬਣਾਇਆ ਜਾਂਦਾ ਹੈ, ਫੇਰ ਵੀ ਬਹੁਤ ਪੌਸ਼ਟਿਕ ਹੁੰਦਾ ਹੈ।
-
ਗੁਰਬਾਣੀ ਦਾ ਜਾਪ- Recitation of Gurbani
ਸੇਵਾਦਾਰਾਂ ਲਈ ਲੰਗਰ ਤਿਆਰ ਕਰਨ ਅਤੇ ਵਰਤਾਉਣ ਸਮੇਂ ਗੁਰਬਾਣੀ ਦਾ ਪਾਠ ਕਰਨਾ ਅਤੇ ਪ੍ਰਮਾਤਮਾ ਨੂੰ ਯਾਦ ਕਰਨਾ ਜ਼ਰੂਰੀ ਹੈ ਤਾਂ ਜੋ ਲੰਗਰ ਵਿੱਚ ਪ੍ਰਭ ਸਿਮਰਨ ਦਾ ਰਸ ਘੁਲ ਜਾਵੇ। ਅਰਦਾਸ ਉਪਰੰਤ ਹੀ ਸੰਗਤਾਂ ਵਿਚ ਲੰਗਰ ਵਰਤਾਇਆ ਜਾਂਦਾ ਹੈ।
-
ਏਕਤਾ ਅਤੇ ਸਮਾਨਤਾ- Unity and Equality
ਲੰਗਰ ਲਈ ਪੰਗਤ ਵਿਚ ਸਾਰੇ ਵਿਅਕਤੀ ਬਿਨਾਂ ਕਿਸੇ ਭੇਦ ਭਾਵ ਦੇ ਇਕੱਠੇ ਫਰਸ਼ ‘ਤੇ ਬੈਠ ਕੇ ਲੰਗਰ ਛਕਦੇ ਹਨ ਜੋ ਏਕਤਾ ਅਤੇ ਸਮਾਨਤਾ ਦਾ ਸੰਦੇਸ਼ ਦਿੰਦਾ ਹੈ।
-
ਸਵੈ-ਸਥਾਈ- Self-sustainability
ਸਾਰੇ ਸ਼ਰਧਾਲੂ ਆਪੋ-ਆਪਣੀ ਯੋਗਤਾ ਅਨੁਸਾਰ ਗੋਲਕ ਜਾਂ ਲੰਗਰ ਵਿਚ ਯੋਗਦਾਨ ਪਾਉਂਦੇ ਹਨ, ਜਿਸ ਕਾਰਨ ਗੁਰਦੁਆਰਿਆਂ ਵਿਚ ਲਗਾਤਾਰ ਲੰਗਰ ਸੇਵਾ ਚਲਦੀ ਰਹਿੰਦੀ ਹੈ।
-
ਵੱਡੇ ਪੱਧਰ ‘ਤੇ ਸੰਚਾਲਨ- Large Scale Operation
ਬਹੁਤ ਸਾਰੇ ਗੁਰਦੁਆਰਿਆਂ ਵਿੱਚ ਲੰਗਰ ਵੱਡੇ ਪੱਧਰ ‘ਤੇ ਚਲਾਇਆ ਜਾਂਦਾ ਹੈ, ਖਾਸ ਕਰਕੇ ਜਿੱਥੇ ਸ਼ਰਧਾਲੂ ਵੱਡੀ ਗਿਣਤੀ ਵਿੱਚ ਅਰਦਾਸ ਕਰਨ ਆਉਂਦੇ ਹਨ। ਇਨ੍ਹਾਂ ਗੁਰੂ ਘਰਾਂ ਵਿੱਚ ਲੱਖਾਂ ਲੋਕਾਂ ਲਈ ਰੋਜ਼ਾਨਾ ਲੰਗਰ ਦਾ ਪ੍ਰਬੰਧ ਕੀਤਾ ਜਾਂਦਾ ਹੈ।
-
ਸਫ਼ਾਈ ਦਾ ਧਿਆਨ- Attention to cleanliness
ਲੰਗਰ ਪਕਾਉਣ ਲਈ ਰਸੋਈਆਂ ਵਿੱਚ ਸਾਫ਼-ਸਫ਼ਾਈ ਦਾ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ ਤਾਂ ਜੋ ਸਾਫ਼-ਸੁਥਰੇ ਵਾਤਾਵਰਨ ਵਿੱਚ ਭੋਜਨ ਤਿਆਰ ਕੀਤਾ ਜਾ ਸਕੇ। ਭੋਜਨ ਤੋਂ ਬਾਅਦ ਵਿੱਚ ਵੀ ਸਫਾਈ ਜ਼ਰੂਰੀ ਹੈ, ਇਸਲਈ ਜੂਠੇ ਭਾਂਡਿਆਂ ਨੂੰ ਵੱਖ ਸੇਵਾਦਾਰਾਂ ਨੂੰ ਸੌਂਪਿਆ ਜਾਂਦਾ ਹੈ ਜੋ ਦੁਬਾਰਾ ਵਰਤੋਂ ਕਰਨ ਤੋਂ ਪਹਿਲਾਂ ਹਰੇਕ ਭਾਂਡੇ ਨੂੰ ਚੰਗੀ ਤਰ੍ਹਾਂ ਧੋ ਦਿੰਦੇ ਹਨ।
-
ਦੁਨੀਆ ਭਰ ਵਿਚ ਮੌਜੂਦਗੀ- Worldwide Presence
ਗੁਰੂ ਕਾ ਲੰਗਰ ਸਿਰਫ਼ ਪੰਜਾਬ ਜਾਂ ਭਾਰਤ ਤੱਕ ਹੀ ਸੀਮਤ ਨਹੀਂ ਹੈ, ਸਗੋਂ ਦੁਨੀਆਂ ਭਰ ਦੇ ਗੁਰਦੁਆਰਿਆਂ ਵਿੱਚ ਲੰਗਰ ਦੀ ਵਰਤੋਂ ਏਕਤਾ ਅਤੇ ਬਰਾਬਰੀ ਨੂੰ ਉਤਸ਼ਾਹਿਤ ਕਰਨ ਦੇ ਸਾਧਨ ਵਜੋਂ ਕੀਤੀ ਜਾਂਦੀ ਹੈ।
ਗੁਰਦੁਆਰਿਆਂ ਵਿੱਚ ਲੰਗਰ ਲਈ ਨਿਯਮ– Rules for Langar in Gurdwaras
ਗੁਰੂਦਵਾਰਾ ਸਾਹਿਬ ਵਿਖੇ ਮੱਥਾ ਟੇਕਣ ਅਤੇ ਓਥੇ ਦੀ ਲੰਗਰ ਪ੍ਰਥਾ ਦੀ ਖ਼ੂਬਸੂਰਤੀ ਇਹ ਹੈ ਕਿ ਇਥੇ ਸਾਰੇ ਸ਼ਰਧਾਲੂਆਂ ਨੂੰ ਬਿਨਾਂ ਕਿਸੇ ਧਰਮ, ਜਾਤ, ਲਿੰਗ, ਆਰਥਿਕ ਸਥਿਤੀ ਜਾਂ ਨਸਲ ਦੇ ਭੇਦਭਾਵ ਦੇ ਭੋਜਨ ਛਕਾਇਆ ਜਾਂਦਾ ਹੈ, ਪਰ ਇੱਥੇ ਆਉਣ ਵਾਲੇ ਸ਼ਰਧਾਲੂਆਂ ਨੂੰ ਸਿਰਫ਼ 2 ਜ਼ਰੂਰੀ ਨਿਯਮਾਂ ਦੀ ਪਾਲਣਾ ਕਰਨੀ ਪੈਂਦੀ ਹੈ
(1) ਗੁਰਦੁਆਰੇ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਸਿਰ ਢੱਕਣਾ;
(2) ਆਪਣੀਆਂ ਜੁੱਤੀਆਂ ਉਤਾਰ ਕੇ ਬਾਹਰ ਰੱਖਣਾ।
ਅੰਤਮ ਸ਼ਬਦ– Final words
ਗੁਰੂ ਕਾ ਲੰਗਰ ਸਿੱਖ ਧਰਮ ਦੇ ਬਰਾਬਰਤਾ, ਸੇਵਾ ਅਤੇ ਭਾਈਚਾਰੇ ਦੇ ਮੂਲ ਸਿਧਾਂਤਾਂ ਦਾ ਇੱਕ ਉੱਤਮ ਉਦਾਹਰਣ ਹੈ। ਇਹ ਗੁਰੂ ਕੇ ਘਰ ਅਤੇ ਇਸ ਦੀ ਲੰਗਰ ਪ੍ਰਥਾ ਨਾ ਸਿਰਫ਼ ਸਰੀਰਾਂ ਨੂੰ, ਸਗੋਂ ਇਸ ਵਿੱਚ ਹਿੱਸਾ ਲੈਣ ਵਾਲਿਆਂ ਦੀਆਂ ਰੂਹਾਂ ਨੂੰ ਵੀ ਪੋਸ਼ਣ ਦਿੰਦੀ ਹੈ।
Read More
Biography of Guru Nanak dev ji in Punjabi Language
Biography of Guru Amardas ji in Punjabi Language
Biography of Guru Ramdas Sahib ji in Punjabi Language
Biography of Sri Guru Arjan Dev Ji in Punjabi Language
Biography of Guru Hargobind Ji in Punjabi Language
Biography of Guru Har Rai Ji in Punjabi Language
Biography of Guru Har Krishan Ji in Punjabi Language
Biography of Shri Guru Tegh Bahadur Ji in Punjabi Language
Biography of Shri Guru Gobind Singh Ji in Punjabi
